ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានផ្ញើសារអរគុណភរិយាជាទីស្រលាញ់ក្នុងខួប ១៨ឆ្នាំនៃចំណងអាពាហ៍ពិពាហ៍ នៅព្រឹកថ្ងៃអាទិត្យ ទី៧ ខែមករា ឆ្នាំ២០២៤ នេះ។
សម្ដេចធិបតីបានលើកឡើងលើបណ្ដាញទំនាក់ទំនងសង្គមរបស់សម្ដេចថា៖ «សូមអរគុណភរិយាជាទីស្រឡាញ់ ចំពោះ ១៨ឆ្នាំ ដែលពោរពេញទៅដោយសេចក្តីស្រឡាញ់ សុភមង្គល និងភាពកក់ក្តៅនៅក្នុងគ្រួសារតូចមួយរបស់យើង»។
គួរឲ្យដឹងផងដែរថាសម្ដេចធិបតី បានរៀបអាពាហ៍ពិពាហ៍ជាមួយជំទាវទី១ លោកស្រី ពេជ ចន្ទមុន្នី នៅថ្ងៃទី៧ ខែមករា ឆ្នាំ២០០៦៕
